Праграма Фулбрайт па павышэнні педагагічнага майстэрства
The Fulbright Teaching Excellence and Achievement Program (Fulbright TEA)
прапануе тым, хто настаўнічае ва ўстановах сярэдняй адукацыі, магчымасць прайсці шасцітыднёвае прафесійнае навучанне ў адным з універсітэтаў ЗША.
Праграма складаецца з семінараў і лекцый ва ўніверсітэце, дзе разглядаюцца сучасныя метады навучання, студэнтацэнтраваны падыход, навучанне на аснове зместу, планаванне ўрокаў, выкарыстанне адукацыйных тэхналогій у школе, а таксама гісторыя і сістэма адукацыі ЗША. Праграма таксама ўключае не менш за 40 гадзін працы ў мясцовай сярэдняй школе ў супрацоўніцтве з педагогам аналагічнага або блізкага профілю. Апроч таго, удзел у праграме дае магчымасць пазнаёміцца са Злучанымі Штатамі і мясцовымі жыхарамі падчас культурных мерапрыемстваў.
Патрабаванні да ўдзелу
выкладаць замежную мову, матэматыку, фізіку, біялогію, хімію, геаграфію, грамадазнаўства, гісторыю ці іншыя дысцыпліны. Альбо выкладаць ў класах інтэграванага навучання;
працаваць ва ўстановах фармальнай ці нефармальнай сярэдняй адукацыі ў Беларусі ці іншай краіне;
мець вышэйшую адукацыю (ступень бакалаўра ці эквівалент);
мець мінімум тры гады досведу выкладання на поўную стаўку на момант пачатку праграмы;
добра валодаць вуснай і пісьмовай англійскай мовай (паўфіналісты мусяць здаць тэст TOEFL);
мець грамадзянства Беларусі.
Больш інфармацыі пра праграму: Fulbright Teaching Excellence and Achievement Program | Fulbright Teacher Exchanges.
Заўвагі пра адпаведнасць патрабаванням
Звярніце ўвагу: форма заяўкі з’яўляецца агульнай для аплікантаў з розных краін свету. Для асобных краін існуюць пэўныя асаблівасці. Напрыклад, для грамадзян Беларусі патрабаванне працаваць выключна ў школе не дзейнічае; да ўдзелу ў конкурсе таксама дапускаюцца асобы, якія займаюцца нефармальнымі формамі настаўніцтва, у тым ліку рэпетытарствам. Таму калі некаторыя раздзелы анкеты падаюцца вам складанымі для запаўнення або не адпавядаюць вашай сітуацыі, калі ласка, напішыце на электронную пошту belarus@americancouncils.org.
Працэдура падачы заяўкі
Прыём заявак на праграму звычайна адбываецца ў снежні-лютым адзін раз на год. Цяпер заяўкі на праграму не прымаюцца.
Калі ў вас ёсць пытанні пра праграму, калі ласка, звяжыцеся з Амерыканскімі радамі па міжнароднай адукацыі па адрасе belarus@americancouncils.org.
Адбор для ўдзелу ў праграме ажыццяўляе аддзел публічнай дыпламатыі Амбасады ЗША ў Беларусі пры падтрымцы Амерыканскіх радаў па міжнароднай адукацыі. Асобы, якія пройдуць папярэдні адбор, будуць запрошаныя на інтэрв’ю.
___________________________________________________________________
Праграма гарантуе роўныя магчымасці для ўсіх, хто падае заяўку, і не дапускае дыскрымінацыі па прыкметах расы, колеру скуры, гендарнай ідэнтычнасці, рэлігіі, нацыянальнага або этнічнага паходжання, роднай мовы, інваліднасці або абмежаваных магчымасцяў.
Праграма адкрыта для ўсіх грамадзян(-ак) Беларусі, якія адпавядаюць патрабаванням, незалежна ад іх месца жыхарства ў цяперашні час.
Калі ў вас ёсць пытанні пра праграму Fulbright TEA, калі ласка, напішыце Амерыканскім радам па міжнароднай адукацыі па адрасе belarus@americancouncils.org
Меню
Агульная інфармацыя аб праграме Фулбрайт
Праграма Фулбрайт для замежных студэнтаў (Fulbright Foreign Student Program)
Праграма Фулбрайт для навукоўцаў і даследчыкаў (Fulbright Visiting Scholar Program)
Праграма Фулбрайт для выкладчыкаў ВНУ (Fulbright Faculty Development Program)
Праграма Фулбрайт па павышэнні педагагічнага майстэрства (Fulbright TEA)
Праграма Х’юберта Хамфры (Hubert H. Humphrey Fellowship)
Даведайцеся больш: