Праграма Фулбрайт для тых, хто выкладае ў ВНУ (FFDP)

The Fulbright Faculty Development Program (FFDP) прапануе прафесійную стажыроўку на працягу 5 месяцаў без атрымання ступені. Праграма ўключае знаёмства з лепшымі амерыканскімі падыходамі да распрацоўкі навучальных праграм, доступ да даследчых рэсурсаў, паляпшэнне прафесійных навыкаў, супрацу з амерыканскімі калегамі, правядзенне прэзентацый. Праграма адкрытая для навукоўцаў усіх акадэмічных дысцыплін.

Удзел у праграме дае магчымасць:

  • распрацаваць новыя курсы і ідэі для рэфармавання навучальных праграм у сваіх ВНУ;

  • удасканаліць уласныя педагагічныя кампетэнцыі праз назіранне за метадамі выкладання ў ЗША;

  • пашырыць аб'ём ведаў у сваіх галінах;

  • наладзіць пастаянныя прафесійныя кантакты і сувязі паміж уласнымі ўстановамі і прымаючым бокам.

Паколькі праграма не прадугледжвае атрымання акадэмічнай ступені, асобам, якія ўдзельнічаюць у праграме, не патрабуецца і не дазваляецца атрымліваць адзнакі або акадэмічныя крэдыты.

Фінансаванне

Праграма Fulbright Faculty Development Program аплачвае міжнародныя і ўнутраныя пералёты ў абодва канцы, медыцынскую страхоўку і штомесячную стыпендыю.

Патрабаванні да ўдзелу

  • выкладаць ва ўстанове вышэйшай адукацыі ў Беларусі ці іншай краіне на момант падачы заяўкі;

  • мець досвед выкладання ў ВНУ не менш за два гады на момант падачы заяўкі;

  • мець вышэйшую адукацыю (ступень бакалаўра ці эквівалент);

  • добра валодаць вуснай і пісьмовай англійскай мовай (паўфіналістам трэба будзе здаць тэст TOEFL);

  • мець грамадзянства Беларусі.

Працэдура падачы заяўкі

Заяўкі прымаюцца анлайн па 2 жніўня 2026 года па спасылцы: https://apply.iie.org/ffsp2027.

Усе заяўкі і дакументы прымаюцца толькі анлайн.

Парады пра запаўненне заяўкі

  • Адна і тая ж анкета выкарыстоўваецца для праграмы Fulbright Faculty Development Program і для праграмы Fulbright Foreign Student Program. На пачатку запаўнення заяўкі неабходна выбраць праграму, якая вас цікавіць. Крокі наступныя:

  1. Завесці аккаунт

  2. Абраць Fulbright Foreign Student Program, затым Start New Application

  3. Прачытаць раздзел Welcome

  4. Адказаць на пытанні ў раздзеле Preliminary Questions

  5. У раздзеле Country Information знайсці трэці абзац Award Information, у ім спасылку Select/Change Award. Па спасылцы абраць адну з дзвюх праграм.

  • Калі пасля націскання на кнопку Start New Application вам не ўдаецца пачаць падачу заяўкі, згарніце акно браўзера пасля стварэння ўліковага запісу або ўваходу ў сістэму. Пасля гэтага скарыстайцеся прамой спасылкай на форму заяўкі і паспрабуйце яшчэ раз.

  • У адказ на пытанне “What is your country of permanent residence?” неабходна выбраць Belarus, нават калі цяпер вы пражываеце ў іншай краіне. Пазней у форме будзе магчымасць патлумачыць вашу сітуацыю больш падрабязна.

Адбор для ўдзелу ў праграме ажыццяўляе аддзел публічнай дыпламатыі Амбасады ЗША ў Беларусі пры падтрымцы Амерыканскіх радаў па міжнароднай адукацыі. Асобы, якія пройдуць папярэдні адбор, будуць запрошаныя на інтэрв’ю.

Запытацца пра праграму можна па адрасеbelarus@americancouncils.org.

Даты праграмы

Жнівень 2027 — студзень 2028

__________________________________________________________

Праграма гарантуе роўныя магчымасці для ўсіх, хто падае заяўку, і не дапускае дыскрымінацыі па прыкметах расы, колеру скуры, полу, рэлігіі, нацыянальнага або этнічнага паходжання, роднай мовы, інваліднасці або асаблівых патрэбаў.

Праграма адкрыта для ўсіх грамадзян(-ак) Беларусі, якія адпавядаюць патрабаванням, незалежна ад іх месца жыхарства ў цяперашні час..

 

Меню

Агульная інфармацыя аб праграме Фулбрайт

Праграма Фулбрайт для замежных студэнтаў (Fulbright Foreign Student Program)

Праграма Фулбрайт для навукоўцаў і даследчыкаў (Fulbright Visiting Scholar Program)

Праграма Фулбрайт для выкладчыкаў ВНУ (Fulbright Faculty Development Program)

Праграма Фулбрайт па павышэнні педагагічнага майстэрства (Fulbright TEA)

Праграма Х’юберта Хамфры (Hubert H. Humphrey Fellowship)